هـــــزار البــنــات

البنات تلاقى ليهم طريقه فى الهزار تلاقيهم يقفوا دايره بالمقاس بالمللى يعنى بالمللى ..

وكلهم بيبصوا لبعض فى نفس الثانيه متعرفش ازاى ..


فانا مره سمعت نكته بتقول مره واحده سوده اوى ركبها عفريت فحاولوا يطلعوا فالعفريت قالهم

ياجماعه انا عايز اطلع فا موش شايف ..



البنت بقى تقوول النكته ديه ازاى

تخش جوا الدايره وتقووول ياجماعه انا هقولكم نكته

وتلاقى واحده تقولها قوولى .. فتقولهم بصوا بس متزعليش ياعلا

ف علا تقولها : ليييه ؟؟

فتقولها : عشان على واحده سوده وكدا

ف علا ترد وتقول : لا لا عادى عادى



فتقولها مره واحده سوده أوى بس متزعليش ياسوسن

ف سوسن تقولها : ليييه ؟؟

تقولها : عشان عفاريت وجن وحجات كدا وانتى بتخافى

ف سوسن تقولها : لا لا عادى عادى



فتقول واحده سوده ركبها عفريت ف لا متزعليش يامال

ف امال تقولها : ليييه ؟؟

تقولها : عشان انتى اخوكى لما ركبوا عفريت معرفناش نطلعوا لما روحنا للشيخ بتاع الصحرا

والكلام دا كلوا وانتى فاكره

ف امال تقولها : تقولها لا لا عادى عادى


فالبنت تاخد نفس وتقول : مره واحده سوده اوى ركبها عفريت فحاولوا يطلعوا فالعفريت قالهم

انا عايز اطلع فا بس موش شايف ..

اهـ ء اهـ ء




البنات اصلا فى هزارهم لما بيقفوا فى الدايره المشهوره بتاعتهم فى حاجه مهمه جدا لازم يعملوها

يقووا كل الحاجات الكوميديه اللى فى وجهه نظرهم اللى شافوها فى مسلسل توفيق عبد الحميد اللى مبيضحكش اصلا

والبنت اللى دمها خفيف اوى يعنى بتقلد سليمان عيد


ولما تيجى واحده تقول نكته طبعا زى اللى فاتت لو ربنا اداك طوولت العمر انك تسمع نكته لغايه اخرها

تلاقى واحده فى الاخر تقولها اييه :


لا استنى استنى فكرينى لما تخلصى اقولك نكته الفيل

فكلهم يقولولها بتاعت الهندى

تقولهم : اه

اهـ ء اهـ ء