اتنين مساطيل ماشيين فى الشارع واحد بيقول للتانى انا مره وقع عليه حلنبوحه من البليكونه قال له يعنى ايه بليكونه ؟؟ !!
سباق جديد من نوعه
اللي عنده نكتة مستظرفها يكتبها بدون خجل
وانا عن نفسي هرد عليكم بنكت احلي
يلا
مهو لازم يكون فيه حاجة تفرحنا بدل الهم اللي احنا فيه
وادى شويه صغيرين من النكت بتاعتى
نبدا بالصعايدة طبعا
احد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك.
*******************
واحد صعيدى راح مطعم في فرنسا.كان عايز يطلب شربه قال للجرسون (جارسوه عايز واحد شوربوه)
فالجرسون قاله باردون؟ قال الراجل لا سوخنوه.
*******************
مرة اتنين صعايدة قاعدين يلعبوا شطرنج
واحد قتل للتاني الحصان
قام التاني سمم له الجاموسة
*******************
كان فى مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه
******************
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته!!!!
*****************
اتنين مساطيل ماشيين فى الشارع واحد بيقول للتانى انا مره وقع عليه حلنبوحه من البليكونه قال له يعنى ايه بليكونه ؟؟ !!
*****************
واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض".
****************
مرةواحد مسطول ماشي سال واحد قال لة الساعة كام رد علية وقال لة 5و5
المسطول رد علية وقالة لة يعني مش عارف تقول 10
***************
واحد عنده عربية
باعها لواحد تانى
قالوا العربية ده فيها تلات زراير
كل ما تعمل حادثة دوس على زر منهم
فقال اجرب
مشى بسرعة ودخل فى حائط العربية باظت
دس على اول زر فطلع صوت : بيقول يا ايته السيارة ارجعى الى ما كنتى
رجعت العربية جديد كما كانت جديدة
عمل حادثة تانية فداس على زر التانى طلع صوت يقول يا ايتها السيارة ارجعلى الى ما كنتى فرجعت العربية الى ما كنت جديدة
فطلع على جبل المقطم وجرى باقصى سرعة و قفز فى الهواء داس على الزر الثالث فاذا بصوت يقول له
((يا ايتها النفس المطئمنة ارجعى الى ربيك راضية مرضية ))
***************
عربيه سيات عطلت على طريق سريع وقطرتها عربية مرسيدس اتفقوا لو المرسيدس اسرع السيات يعطيه قلاب نور عشان يهدى له شوية وفجاءة عدت من جنبيهم عربية بى ام مسرعة تتحدى المرسيدس سخن المرسيدس وسحب وراها لحد ما السرعة عدت ال 200 والغلبان عمال يدى فى قلاب نور ومحدش معبره . ومروا على كمين شافهم الظابط فنده علي الامين قاله : شايف اللي بيجروا هناك دول . قالو اه . قالوا : سيب البي ام وسيب المرسيدس وهاتلى بتاع السيات ابن الذين اللي عايز يعدى منهم ده.
**************
واحد اجنبي رااح مصر
فركب تاكسي
وقال شيراتون
في الطريق الاشارة كانت خضراء وبعديد احمرت
قاام السواق معدي
الاجنبي قالو are you crazy?
قام قاللو
dont worrw im PROfiSHINAL
,وفي الاشارة التانية
كانت صفراء واحمرت والسواق برضو عدا
الاجنبي قاللو
هتموتنا
قاللو : دونت وورى انا بروفشنال
وفي الاشارة التالتة كانت خضرا
بس السواق وقف
الاجنبي قاللو
وقفت لية
قالو
لحسن يكون فيه واحد بروفشنال جاي من ع الناحية التانية
****************
مرة حماة رجل أرادت اختباره هو واخوته فاخذت الأول وعملت نفسها اتزحلقت فجرى وجبلها الاسعاف، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى واحضر لها الاسعاف ووجد فى تانى يوم عربية بيجو ونفس الرسالة، أما الثالث فتزحلقت وماتت، ففى اليوم التالى وجد عربية مرسيدس ومكتوب عليها "هدية من حماك
****************
كان مرة في واحد عندة عربية قديمة اوي وكان عاوز يبيعها
وف سوق السيارات جالو واحد قالو بكام
قالو ب2 مليون
قال ايه انتا بتهزر ليه ياعني
قالو دي فيها مصباح علاء الدين
قالو ياسلام وريني
قام دعك فانوس العربية طلعلو عفريت قالو شبيك لبيك عبدك وبين ايديك تطلب ايه
قاغلو هات اتنين شاي
جابلو الشاي
الراجل استغرب
قالو العربية بكام
قالو 2مليون
قالو انا هاخدها بأربعة مليون
خدها وروح البيت
دعك الفانوس طلعلو عفريت
قالو شبيك لبيك عبدك وبين ايديك تطلب اية
قالو هاتلي فلوس العالم كلها
قالو لا انا مابجيبش الا شاي بس!!!!!!!
********************
مرة واحد غبى لقى عشرة جنية على الارض خدها وحط خمستين.
*******************
مرة واحد غبى واقف قدام التلاجة بيفتح الباب بتاعها براحة
ويقفلة تانى جه صاحبه و قاله ليه كدة قاله اموت واعرف مين بيطفى النور من جوة
**********************
حمار بيقول لخطيبته امتى هنتجوز ياحمارة قالت له لما تحسن الفاظك ياحيوان
********************
لاب عندهم امتحان في حفظ القرآن, دخل عليهم المدرس متعصب
سأل الأول اسمك, قال يوسف, قاله سمع سورة يوسف
وسأل الثاني اسمك, قال يونس, قاله سمع سورة يونس
وسأل الثالث اسمك, قاله اسمي عمران.. بس بيدلعوني كوثر !!
*********************
مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.
*********************
مدرس رياضيات أتجوز مدرسة رياضيات خلفو ولد شبه منحرف وبنت دايره على حل شعرها
********************
صــرصار فــى العناية المركـزة بيـسآل صـرصار جمبـه ,
بيقولـه : بيـرسـول ؟
قـاله : شبشــب .
*******************
بدوى اول مرة يشوف فلبيني قال يا بخته هــــــــذا شبعان نووووووم !!!!!
*******************
نكت جامدة جدا على المشرفين...
نبدا
1- مشرفه أنجبت توأم أحتفظت بواحد وحطت الثاني بقسم المواضيع المكرره....
2- مشرفه وصلتها فاتورة التلفون كبيره عملتلها تعديل....
3- مشرف عايز يتغزل بخطيبته قال لها أنتي موضوع
عمري ........أنتي مشاركه حياتي ......أنتي كل
صلاحياتي....
ههههههههههههههههههههه
ارجو من مشرفينا ان محدش يزعل
تمَــ بحــَـمد الله
ملحوظه: ممنوع النكت على الصعايده لانى منهم..
هههههههههههههههههههههههههههههههههه
اتنين مساطيل ماشيين فى الشارع واحد بيقول للتانى انا مره وقع عليه حلنبوحه من البليكونه قال له يعنى ايه بليكونه ؟؟ !!
موضوع: مــَمـــنَوع دُخــَولــِ الـكَــِـئابـةَ!!!!!.... 
